شو فوا يا اخوتى القراء بصراحة انا مش عارفة ابدأ منين - و من كثرة الهجوم عليا و اتهامى بانى ماجورة و مأجورة من مين ماعرفش بسبب مقالتى " جيش مصر احترس من الفخ " و يشهد الله ان كل ما اكتبه هو حقيقى لانى اخشى يوم الوقوف امام الله فى يوم الحساب و على من يشكك فى صحة ما اكتبه غير حقيقى عليه ان يثبت و ده لواثبت ان الاسلاميين لم يلجؤا للتزوير و لم يلجؤا للرشوة بداية من الزيت و السكر وصولا للحمة و فيه ((حديث بيقول- لعن الله الراشى و المرتشى )) و هذا الحديث انا اقدره جدا لانه مبدأ سامى فى التعامل -و لذلك يعنى بحكم الحديث الاسلاميين هم ملعونون لانهم رشوا الناس ليس حبا فى فعل الخير و لكن لكى يبيعون لهم ضمائرهم مع اصواتهم الانتخابية !!!
و من ينكر ان اللى حصل فى الانتخابات اللى كانت شغل حلق حوش بين السلفيين و الاخوان و اللى كلنا شفناهم عند اللجان واقفين بيقوللنا نعلم على مين و كل ده امام رجال الجيش و مش عارفة ازاى كان فيه رجال جيش ,و اما رجال الشرطة فاختفوا فى اليوم ده - يمكن علشان يعملوا نفسهم ماشافوش المهازل اللى عند اللجان و محدش ينقبض عليه لان الاخوان و السلفيين ,اللى كانوا بحسن نية كانوا بس بيرشدونا نعلم على مين - ايوة ماهما فاكرين ان كل الشعب المصرى شعب ( بيبصم ) و شعب لسة حدث لم يبلغ سن الرشد بعد
- و لكن الموضوع اكبر من اللى حصل فى الانتخابات وهو جر الشعب للمشاركة فى خيانة كبرى بكل السذاجة للشعب المصرى ( البصمجى ) و دهاء الاخوان و السلفيين
- طبعا اللى بصموا قصدى اللى صوتوا للاخوان ح يستغربوا خيانة ايه اللى انتى بتتكلمى عليها
- حاقولكم و انتوا و ضمايركم ده ان كان لسة عندكم مسحة ضمير و لكنى بصراحة اشك فى ان لكم ضمير من بعد ما تسمعوا رأى الاسلاميين و ترضوا بان هذا مناسب و ان هذا هو الذى يجب ان يكون و هو ان نترك العسكرى دون محاسبته على فساده
و لنرى الموضوع من اوله
فى برنامج الحقيقة لوائل الابراشى كان ضيف البرنامج " صفوت حجازى " و هو احد الاسلاميين المعروفين للاسف !! ,و صفوت حجازى اتفرجت عليه مرة على قناة الجزيرة و هو بيحكى عن مدى شراسة المعارك التى كانت تدار ضد شباب التحرير و طريقة الكر و الفر و كان و هو بيحكى " عنيه كانت بتدمع _ يا حرام _ من مناظر القتلى و حكى عن (((ولد من ضمن الشهداء من كتر الدهس فوقه قد تساوى جسده بالاسفلت ))) واخدين بالكم من الكلام ياللى بصمتم للاسلاميين و طبعا اللى يشوف انسان بيتكلم و عنيه بتدمع !!!
بهذا الاحساس اكيد ح يشعر ان داخله احساس و ان هذا الانسان لو حدث هذا لابنه لن يسكت الى ان يتم القصاص العادل على من تسبب فى قتل ابنه و لا انا غلطانة .
لكن شر البلية يجعلنا اعيينا تدمع من كثرة الضحك -
الذى اضحكنى لدرجة البكاء هذا الحوار الذى دارفى اخر شهر نوفمبر 2011 و كان هذا ما قاله صفوت حجازى الذى كانت عيناه تدمع من مدى شراسة الذى دار فى ميدان التحرير
(((انا مطمئن تماما ان المجلس العسكرى سيسلم السلطة لحكومة مدنية و ان -
المجلس العسكرى لن يبقى فى السلطة و لن يستولى على السلطة و
- ان المجلس العسكرى يعرف ردة الفعل الشعبية و تانى نقطة انا باعتبره دين بين الشعب " يقصد الشعب هم من الاسلاميين " و بين المجلس العسكرى و هو المرسوم اللى تم اعلانه من المجلس العسكرى بتعديل قانون القضاء العسكرى بالمادة اللى اضافوها بان العسكريين فى الخدمة او خارج الخدمة يحاكموا امام القضاء العسكرى ((
ركزوا بقى و شوفوا الصفقة القذرة ركز فى اللى جاى علشان فيه خيانة لشهداء الثورة و اللى دمهم افترش شوارع مصر و ايضا الصفقات المشبوهة من صفقات و التى اديرت فى عهد مبارك و منها بيع الغاز و البترول لاسرائيل و ايضا صفات الاسلحة و كل هذا كان بعمولات دخلت جيب طنطاوى و الروينى و عنان و غيرهم من المجلس العسكرى و الذين كانوا من المنتفعين الاساسيين لهذه الصفقات
و بهذا نعرف ان هؤلاء كانوا شركاء لمبارك و لذلك كان يجب اما ان يفرج عن مبارك اما ان ينضموا اليه فى محبسه
نكمل مع كلام "صفوت حجازى "اللى باع دم شهداء مصر فى صفقة لطختها ايدى تغطيها الدماء
- انا عايز اقول ده - انا باقول : اه انا بادى امان للجيش انا عاوز اعقد صفقة مع الجيش كشعب ان الجيش ده المجلس العسكرى سلمنى السلطة و حافظ على البلد و ارسى فيها الديموقراطية (( يقصد ان يتسلمها بيضة زى ما احنا شايفين اليومين دول من تلفيق تُهم و تفصيلها للشباب الذى قام بالثورة و تهم توصل لحبل المشنقة زى تهمة (( قلب نظام الحكم و تكدير الامن العام الى حيازة منشورات و غيره من التهم )) و التى تم تلفيقها لشباب 6 ابريل و ايضا لكل الشباب الرافض للحكم العسكرى و الاسلامى , شفتم الديموقراطية اللى بيقصدها الاسلامى صفوت حجازى
و نكمل مع باقى عباراته التى قالها
"و ارجع سكناتك و انا مش حافتح ملفات الفساد بتاعك
و اخدتم بالكُم من حتة و انا مش حافتح ملفات الفساد ((( بتاعتك ))) يقصد المجلس العسكرى - ابقوا قوليلى يا مأجورة و خصوصا من بعد ما تتفرجوا و تسمعوا ده ان كنتم مسمعتوش او سمعتوا و طنشتوا طالما هوة ده الاسلام (( حقيقي انتم من شوه الاسلام بضمائركم التى اكلها دود الارض ))
و نلاحظ هنا رد المحاور
فرد المحاور وقال : فمن المكن يتقال ان ده نوع من التستر و هى صفقة لم تعد مقبولة خصوصا من بعد 25 يناير والا كنا عملنا صفقة مع مبارك فلم يعجب صفوت هذا الرد من وائل الابراشى
ايه رأيكم ما من بصمتم للاخوان و عطوهم صوتكم اديهم باعوا شرف الاسلاميين للمجلس العسكرى مقابل ان ياخذوا الحكم و السلطة دون النظر بان كان يجب عليهم ان يكونوا هم اول ناس تظهر الاسلام فى ثوب جميل يزينه الشرف و الامانة و الصحوة للضمائر التى تخشى الله قبل الناس وعلى راى مرشدهم عندماقال مرشدهم طظ فى مصر
و تعالوا بقى نفتش و ندور فى كلام صفوت حجازى و اللى اعلنها صراحة و هو وجود ملفات فساد للمجلس العسكرى و ان الاخوان عندهم هذه الملفات و على علم بهذا الفساد و عند اللزوم حتطلع و حينكشف المستوريا مجلس يا عسكرى (( و شكلها بقت لعبة زى القط و الفار و طبعا لايمكن الاخوان يكونوا الفار )) و لكن هى ممكن تفضل طى الكتمان اتفرجوا على شغل الصفقات اللى بتدوس على دم شهداء مصر (( مهى صفقة زى ماقال صفوت حجازى و هى ان يحفظ المجلس العسكرى الامن علشان الغش و التزوير و الارشاد للبصمجية على ابواب اللجان " تم بهدوء "و ايضا القضاء على الشباب صاحب الثورة الاصليين بالتهم و السجن و الوصول لصدور احكام بالاعدام نظرا لقوة التهم التى لفقت عليهم )) علشان يتربع الاخوان و السلفيين على عرش مصر و اما جثث الشهداء و دمائهم و آلام الشباب الذى يعيش بعاهات نتيجة لتواجدهم فى ميدان التحرير فيستعوضوا ربهم و باقى الشباب الذى سيسجن تمهيدا لاعدامه , و خلاص بقى و ايه يعنى كله فدى عيون الاسلاميين و المجلس العسكرى
- و لكن السؤال سيستمر يلح على كل من عنده ضمير و شاهد دماء شهداء الشباب المصرى من شباب مسلم و شباب مسيحى و اللى كانوا بيحلموا بالحرية و الكرامة التى هى حق كل مواطن على وطنه و بيحلم بحياة شريفة و كان كل امله انه يعيش كانسان له حقوق فى دولة بتحترم مواطنيها - دولة حديثة تحترم عقول الشباب الواعد و تهتم بابنائها -
- و ايضا هل من سكت على فساد المجلس العسكرى و تمت الصفقة بينهما - فاكيد ايضا يوجد فساد للاخوان و كلنا نعلمه و كلنا يعلم ان تمويل الاخوان كان من مصادر غير معلومة مثل تهمة غسيل الاموال المشهورة
الاخوان المسلمين عايزة اقولكم حديث بيقول عندكم (( "الساكت عن الحق شيطان أخرس، والناطق بالباطل شيطان ناطق")) و طالما تعرفون و لا تعلنون فهذا يجعلكم شياطين
- فنحن نطالب صفوت حجازى باعلان كل ما عنده من مستندات ادانة للمجلس العسكرى حيث ان الاسلاميين ليسوا هم شعب مصر و ليسوا هم اوصياء على شعب مصر و ليسوا هم مخولون بعقد صفقات على افا شعب مصر و فى حالة الاستمرار فى التستر فناسف جدا نحن و كل من سوف يعيد حساباته فيما ستنالونه من شباب الثورة الذين يتزايدون يوما بعد يوم لانكم تسترتم على مجرمين فاسدين مقابل (( تزوير الانتخابات و الوصول للحكم سيرا باحذية تغطيها دماء الابرار))و للعلم لن نسكت عن حق شهداء مصر " الشرفاء الاطهار "اللى كل نقطة من دمهم سالت من اجل القضاء على الفساد يا صفوت يا حجازى و ايضا من اجل الحرية لشعب مصرالذى اذا انتفض لن توقفه مدرعات تدسه و لا مدافع تضرب صدورهم ( عاشت مصر حرة و ليذهب الفاسدين و المتسترين عليهم الى الجحيم )
ليست هناك تعليقات:
إرسال تعليق