الجمعة، 2 ديسمبر، 2011

"صفوت حجازى "اللى باع دم شهدائك يا مصر


شو فوا يا اخوتى القراء بصراحة انا مش عارفة ابدأ منين و لكن حاحاول اشد خيوط الافكار علشان اعرف اجمع علشان بصراحة من ساعة ما فاز الاخوان و السلفيين و انا كل ما اجيب فكرة الاقى التانية بتهرب بعيد عنكم من اللى حصل فى الانتخابات اللى كانت شغل حلق حوش بين السلفيين و الاخوان و اللى كلنا شفناهم عند اللجان واقفين بيقوللنا نعلم على مين و كل ده امام رجال الجيش و مش عارفة ازاى كان فيه رجال جيش ,و اما رجال الشرطة فاختفوا فى اليوم ده - يمكن علشان يعملوا نفسهم ماشافوش المهازل اللى عند اللجان و محدش ينقبض عليه لان الاخوان و السلفيين اللى كانوا بحسن نية كانوا بس بيرشدونا نعلم على مين - ايوة ماهما فاكرين ان كل الشعب المصرى شعب ( بيبصم ) و شعب لسة حدث لم يبلغ سن الرشد بعد
- و لكن الموضوع اكبر من اللى حصل فى الانتخابات وهو جر الشعب للمشاركة فى خيانة كبرى بكل السذاجة للشعب المصرى ( البصمجى ) و دهاء الاخوان و السلفيين
- طبعا اللى بصموا قصدى اللى صوتوا للاخوان ح يستغربوا خيانة ايه اللى انتى بتتكلمى عليها
- حاقولكم و انتوا و ضمايركم ده ان كان لسة عندكم مسحة ضمير من يومين فى برنامج الحقيقة لوائل الابراشى كان ضيف البرنامج " صفوت حجازى "و صفوت حجازى اتفرجت عليه مرة على قناة الجزيرة و هو بيحكى عن مدى شراسة المعارك التى كانت تدار ضد شباب التحرير و طريقة الكر و الفر و كان و هو بيحكى " عنيه كانت بتدمع _ يا حرام _ من مناظر القتلى و حكى عن (((ولد من ضمن الشهداء من كتر الدهس فوقه قد تساوى جسده  بالاسفلت ))) و طبعا اللى يشوف انسان بيتكلم بهذا الاحساس اكيد ح يشعر ان داخله احساس و ان هذا الانسان لو حدث هذا لابنه لن يسكت الى ان يتم القصاص العادل على من تسبب فى قتل ابنه و لا انا غلطانة .
لكن شر البلية يجعلنا اعيينا تدمع من كثرة الضحك -
الذى اضحكنى لدرجة البكاء هذا الحديث الذى دار و كان هذا ما قاله صفوت حجازى الذى كانت عيناه تدمع من مدى شراسة الذى دار فى ميدان التحرير

(((انا مطمئن تماما ان المجلس العسكرى سيسلم السلطة لحكومة مدنية و ان -
 المجلس العسكرى لن يبقى فى السلطة و لن يستولى على السلطة و
- ان المجلس العسكرى يعرف ردة الفعل الشعبية و تانى نقطة انا باعتبره دين بين الشعب و بين المجلس العسكرى و هو المرسوم اللى تم اعلانه من المجلس العسكرى بتعديل قانون القضاء العسكرى بالمادة اللى اضافوها بان العسكريين فى الخدمة او خارج الخدمة يحاكموا امام القضاء العسكرى ((
سبكم بقى من الحتة اللى فاتت و ركز فى اللى جاى علشان فيه

بيع دم الشهدا ))

نكمل مع كلام "صفوت حجازى "اللى باع دم شهداء مصر
- انا عايز اقول ده - انا باقول : اه انا بادى امان للجيش انا عاوز اعقد صفقة مع الجيش كشعب ان الجيش ده المجلس العسكرى سلمنى السلطة و حافظ على البلد و ارسى فيها الديموقراطية و ارجع سكناتك و انا مش حافتح ملفات الفساد بتاعك
فرد المحاور وقال : فمن المكن يتقال ان ده نوع من التستر و هى صفقة لم تعد مقبولة خصوصا من بعد 25 يناير والا كنا عملنا صفقة مع مبارك فلم يعجب صفوت هذا الرد من وائل الابراشى
ايه رأيكم ما من بصمتم للاخوان و عطوهم صوتكم اديهم باعوكم للمجلس العسكرى مقابل ان ياخذوا الحكم و السلطة و طظ فى شهداء مصر زى ماقال مرشدهم
و تعالوا بقى نفتش و ندور فى كلام صفوت حجازى و اللى اعلنها صراحة و هو وجود ملفات فساد للمجلس العسكرى و ان الاخوان عندهم هذه الملفات و على علم بهذا الفساد و عند اللزوم حتطلع و حينكشف المستوريا مجلس يا عسكرى (( و شكلها بقت لعبة زى القط و الفار و طبعا لايمكن الاخوان يكونوا الفار )) و لكن هى ممكن تفضل طى الكتمان اتفرجوا على شغل الصفقات اللى بتدوس على دم شهداء مصر (( مهى صفقة زى ماقال صفوت حجازى و هى ان يحفظ المجلس العسكرى الامن علشان الغش و التزوير و الارشاد للبصمجية على ابواب اللجان " تم بهدوء ")) علشان يتربع الاخوان و السلفيين على عرش مصر و اما جثث الشهداء و دمائهم و آلام الشباب الذى يعيش بعاهات نتيجة لتواجدهم فى ميدان التحرير فيستعوضوا ربهم و خلاص بقى و ايه يعنى كله فدى عيون الاخوان و المجلس العسكرى
- و لكن السؤال سيستمر يلح على كل من عنده ضمير و شاهد دماء شهداء الشباب المصرى اللى كان بيحلم بالحرية و بيحلم بحياة شريفة و كان كل امله انه يعيش كانسان له حقوق فى دولة بتحرم مواطنيها - دولة حديثة تحترم عقول الشباب الواعد و تهتم بابنائها -
- و ايضا هل من سكت على فساد المجلس العسكرى و تمت الصفقة بينهما - فاكيد ايضا يوجد فساد للاخوان و كلنا نعلمه و كلنا يعلم ان تمويل الاخوان كان من مصادر غير معلومة ده تهمة غسيل الاموال المشهورة
الاخوان المسلمين عايزة اقولكم حديث بيقول عندكم (( "الساكت عن الحق شيطان أخرس، والناطق بالباطل شيطان ناطق")) و طالما تعرفون و لا تعلنون فهذا يجعلكم شياطين
- فنحن نطالب صفوت حجازى باعلان كل ما عنده من مستندات ادانة للمجلس العسكرى حيث ان الاخوان ليسوا هم شعب مصر و ليسوا هم اوصياء على شعب مصر و ليسوا هم مخولون بعقد صفقات على افا شعب مصر و فى حالة الاستمرار فى التستر فناسف جدا نحن و كل من سوف يعيد حساباته فيما ستنالونه من شباب الثورة لانكم تسترتم على مجرمين فاسدين مقابل (( تزوير الانتخابات ))و للعلم لن نسكت عن حق شهداء مصر " الشرفاء الاطهار "اللى كل نقطة من دمهم سالت من اجل القضاء على الفساد يا صفوت  يا حجازى و ايضا من اجل الحرية لشعب مصر( عاشت مصر حرة و ليذهب الفاسدين و المتسترين عليهم الى الجحيم )

ليست هناك تعليقات: