الجمعة، 30 ديسمبر 2011

لعبة الاخوان و طريقة بلاها سوس خد نادية




بنعمة الله نتكلم لنعلن ما فى النفوس التى لا تريد غير المراوغة لتصل الى هدفها الماكر ضاربين بعرض الحائط كل ما هومنطقى و متناسب من هذا الوقت الملتهب فى العلاقة بين المسيحيين و المسلمين 

اولا لكى يعرف الجميع نحن كمسيحيين لا نكره المسلمين لان السيد المسيح امرنا بان نحب من يناصبنا العداء و هو امر صريح (( و اما انا فاقول لكم احبوا اعداءكم باركوا لاعنيكم احسنوا الى مبغضيكم و صلوا لاجل الذين يسيئون اليكم و يطردونكم (متى 5 : 44)) و لكن ليس معنى هذا ان اقبل ما يفرضه الاخوان او السلفيين علينا ,وقد نرى انهم يفرضون علينا الحراسة لكنائسنا دون ان نطالبهم بذلك !!! و هذا هو ما نشرته جريدة اليوم السابع مع اننا رددنا عليهم فى رفضنا لهذا العرض و الذى قد سبق و عرضه السلفيين و قلنا لهم شكرا لاننا فهمنا مقصدهم الماكر و هو التامين كمرحلة اولى يتبعها الفرض على الكنائس بدفع الجزية مقابل تأمين المصلين بها و هذا ما نشرناه هنا ((http://www.lebs1.com/vb/showthread.php?t=29963

- و لما اعلنا لهم اننا فهمنا مقصدهم فعملوا معنا كما قال فؤاد المهندس جملته الشهيرة فى مسرحية " سك على بناتك " بلاها سوسو خد الاخوان قصدى نادية ههههههههههههههههه , و تعالوا نشوف طريقة فرض ما يريدون تنفيذه دون الرجوع الى وزير الداخلية او الى السيد الجنزورى و كأن البلد بقت بلد الاخوان .))) !!! و السؤال للسادة امناء حزب الحرية و العدالة فى كل محافظات مصر " هو حضراتكم بتاخدوا القرار و تشكلوا اللجان دون الرجوع لصاحب الموضوع و الذى هم اقباط مصر - هل انتم الحاكم بامره و الست الحكومة قعدت فى البيت - الداخلية و الجيش و اللى مرتباتهم من الضرايب اللى قصمت وسطنا علشان يقبضوها و يقعدوا على القهاوى مثلا !!!.

خلونا نتكلم فى الصميم : من الذى حرق كنيسة العذراء بامبابة - يكونش اللهو الخفى - طيب بلاها الحتة دى - طيب مين اللى هد كنيسة مارجرجس يكونش توأم اللهو الخفى - طب بلاش دى - طب مين اللى هد كنيسة الماريناب - يكونش توأم اللهوين الخفيين اللى سبقوه - و مين اللى اتحرش بسكان العامرية " المسيحيين "و حرق محلاتهم و سرقوا كل الاجهزة الكهربائية - الاجابة التى فى الصميم - ان البحث وراء اللهو الخفى طلع فى الآخر هو " شيخ جامع " !!! طبعا شكل الاخوة المسلمين فتحوا بقهم و آل يعنى مش فاهمين !!! ليس هذا كلامى و لكنه تاريخ بداية من جامع اولاد الشيخ الذى بجانب كنيسة الملجأ بمحرم بك و التى كانت بها الاحداث الملتهبة بالاسكندرية و التى بها تم نهب محلات الذهب و حرقوا منزل لامراة تسكن الدور الارضى و صولا الى كنيسة الماريناب و الذى اعترف المحافظ بقوله ( شيخ الجامع اتكلم فى مخالفة الكنيسة و الشباب ثاروا فقاموا هدوا الكنيسة و كمان حرقوها يا سيادة المحافظ علشان كانت مخالفة و لما ذهبنا لنعلن رفضنا لهذا الارهاب ,صدر الامر بفض المظاهرة بالمدرعات اللى مرت فى اجساد اهالينا !! عارفين ايه المخالفة سادة المسلمين - الكنيسة علو القبة بدلا من 8 اصبحت 12 متر ((( يعنى المخالفة فى 3 متر مش 3 ادوار مثلا زى ما كل المبانى ما هى بتعمل )))
و طالما اعترف البيه المحافظ بان المحرض كان هو " شيخ الجامع " و ايضا باعتراف الروينى ان من هدوا كنيسة مار جرجس هم اتباع بردو شيخ و هو الشيخ " حسان " و اللى طردوا سكان البلد بناء على اوامره و فتاواه .
و من هنا انا باقولكم ابعدوا عننا بلحاكم و ابعدوا بشبابكم عن بناتنا فى ليلة العيد - لاننا لن نسمح لاى من كان منكم ان يقف بجوار كنائسنا ليتفرس فى بناتنا و تتحول الليلة للدفاع عن بناتنا - لاننا كاقباط لنا عاداتنا و لنا تقاليدنا و نرفض ان يفرض علينا اى من كان اسلوبه و الذى فى ظاهره التجمل و محاولة نسيان الايام التى لازلنا نتوشح السواد بسببها و ايضا استكمالا للهدف و هو الدفع بدفع الجزية مقابل التامين (( للناس اللى بتصلى ))

- ليكن فى معلومكم نحن نرفض وصايتكم التى اصبحت تفرض بالقوة حتى من قبل وصولكم للحكم و نرفض تواجدكم امام كنائسنا كحراس لها فبدلا من هذا - تعلموا ان تنتقوا مشايخ يتسمون ببث المحبة و الرحمة و يعملون على نشرها بدلا من مشايخكم الذين يبثون البغضاء و الكراهية لتكثر الدماء نتيجة لخطبهم المحرضة على الشرور - فمتى اردتم ان تتجملوا فتجملوا اولا فى بيوتكم ليظهر جمالكم للاخرين و بيوتكم التى اتكلم عنها هى جوامعكم التى تحتضن بين جنباتها من حرضوا على الكراهية و ايضا حرضوا على استحلال الاموال اللى تعبنا فيها و لكنكم استحلتموها و لن تدخل عليكم اموالنا الا بالنار فى جوفكم - هذا الكلام اقوله لكل من حرض على نهبنا و ايضا من تتحرك فيه النية لاجبارنا على دفع الجزية .و هذا هو قول الله لكم فى سفر ايوب الاصحاح 27 (( 13- هذا نصيب الانسان الشرير من عند الله و ميراث العتاة الذي ينالونه من القدير.
14- ان كثر بنوه فللسيف و ذريته لا تشبع خبزا.
15- بقيته تدفن بالموتان و ارامله لا تبكي.
16- ان كنز فضة كالتراب و اعد ملابس كالطين.
17- فهو يعد و البار يلبسه و البريء يقسم الفضة.
18- يبني بيته كالعث او كمظله صنعها الناطور.
19- يضطجع غنيا و لكنه لا يضم يفتح عينيه و لا يكون.
20- الاهوال تدركه كالمياه ليلا تختطفه الزوبعة.
21- تحمله الشرقية فيذهب و تجرفه من مكانه.
22- يلقي الله عليه و لا يشفق من يده يهرب هربا

كلمة اخيرة اقولها لحزب الحرية و العدالة - تعلموا ان تعملوا بالمثل القائل يا بخت من زار و خف - فياريت تخفوا عننا حبتين و تفكروا بدلا من منع البكينى اللى محدش بيشوفه غيركم و لا الخمر اللى الظاهر محدش بيشوفها بردوا غيركم - حيث ان هذه الاشياء لا تتوافر غير فى اماكن لا يدخلها البسطاء مثلنا - فانصحكم ان كانت هذه الاشياء تستفذكم و تشتت تفكيركم لدرجة انكم مبقتوش عارفين تفكروا صح فى مصلحة مصر - فياحرام منين ما تيجى تفكر تحل مشكلة نقص القمح تروح نطة واحدة لبسة بيكينى ادامك فيتشتت تفكيرك !!! ولا تيجوا تفكروا فى حل مشكلة التعليم تروح نطة قدامك واحدة البيكينى موديل اسخن من اللى قبله !!! او تيجى تحل مشكلة الصحة فتلاقى واحد بيعزمك على كاس خمرة و بدل ما تقوله لأ و تكسفه فتقبله منه !!!و طبعا يبقى كل المشاكل مش حتتحل غير لما تمنعوا الاول البيكينى و الخمرة


كتبته بنعمة ربنا : غيورة القبطية 

ليست هناك تعليقات: